ଭଦ୍ରକ (କୋଶଲ ନ୍ୟୁଜ) ବହୁ ପ୍ରତୀକ୍ଷିତ ଏବଂ ପୂର୍ବ ପ୍ରସ୍ତାବିତ ଭଦ୍ରକର ଗାନ୍ଧିଘାଟସ୍ଥ ଧୂସୁରି ଜଳସେଚନ କାର୍ଯ୍ୟାଳୟଠାରେ ନୂତନ ବନ୍ୟା ନିରୀକ୍ଷଣ କକ୍ଷ ଓ ଅତିଥି ବିଶ୍ରାମଗାର ଭଦ୍ରକର ମାନନୀୟା ସାଂସଦ ଶ୍ରୀମତୀ ମଞ୍ଜୁଲତା ମଣ୍ଡଳଙ୍କ କର କମଳରେ କୋଭିଡ ଗାଇଡ଼ ଲାଇନ ଅନୁସାରେ ଉଦ୍ଘାଘିତ ହୋଇଯାଇଛି । ଏହି ଉତ୍ସବରେ ସମ୍ମାନୀତ ଅତିଥି ଭାବେ ଓଡ଼ିଶା ଜଳସେଚନ ବିଭାଗର ସର୍ବୋଚ୍ଚ ଯନ୍ତ୍ରୀ ଇଂ ଜ୍ୟୋତିର୍ମୟ ରଥ, ମୁଖ୍ୟଯନ୍ତ୍ରୀ ଇଂ ଭକ୍ତ ଚରଣ ମହାନ୍ତି , ପୂର୍ବତନ ବିଧାୟକ ଶ୍ରୀଯୁକ୍ତ ମୁକ୍ତିକାନ୍ତ ମଣ୍ଡଳ, ଧାମନଗରର ପଂଚାୟତ ସମିତି ଅଧ୍ୟକ୍ଷ ଶ୍ରୀଯୁକ୍ତ ଅଶୋକ କୁମାର ନାୟକ ଓ ଯାଜପୁର ଜଳସେଚନ ବିଭାଗର ନିର୍ବାହୀ ଯନ୍ତ୍ରୀ ଇଂ ଧନେଶ୍ୱର ସାମଲ ଯୋଗ ଦେଇଥିଲେ । ପ୍ରକାଶ ଥାଉକି , ଧାମନଗର ପୂର୍ବତନ ବିଧାୟକ ଶ୍ରୀଯୁକ୍ତ ମୁକ୍ତିକାନ୍ତ ମଣ୍ଡଳ ୨୦୧୬ ରେ ଧାମନଗରର ବନ୍ୟା ବିଭୀଷିକା କୁ ହୃଦବୋଧ କରି ବନ୍ୟା ନିୟନ୍ତ୍ରଣ ନିମନ୍ତେ କୋଚିଳା ବ୍ୟାରେଜ ଭଳି ଅନେକ ଗୁଡିଏ ପ୍ରସ୍ତାବ ଦେଇଥିଲେ, ସେଥିମଧ୍ୟରୁ ତା୯/୨/୨୦୧୬ରେ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ୱାରା ବୈତରଣୀ ର ବାମ ପାର୍ଶ୍ଵ ବନ୍ଧର ସୁଧୃଢ଼ିକରଣ ସହ ଅନେକ ମୁଖ୍ୟ ପ୍ରକଳ୍ପ ଗୁଡ଼ିକ ର ଉଦ୍ଘାଟନ ଓ ଶିଳାନ୍ୟାସ ହୋଇଥିଲା ।
ଗାନ୍ଧିଘାଟ ଠାରେ ଗାନ୍ଧୀ ମନ୍ଦିର ଉଦଘାଟନୀ ଅବସରରେ ଓଡ଼ିଶାର ମାନ୍ୟବର ବାଚସ୍ପତି ଏବଂ ଅନ୍ୟାନ୍ୟ ବରେଣ୍ୟ ଅତିଥି ମାନଙ୍କ ଦ୍ୱାରା ତା ୧୮/୩/୨୦୧୮ ଦିନ ଏହି ବନ୍ୟା ନିରୀକ୍ଷଣ କକ୍ଷ ଓ ଅତିଥି ବିଶ୍ରାମଗର ର ଶୁଭ ଭିତ୍ତି ପ୍ରସ୍ତର ସ୍ଥାପନ ହୋଇଥିଲା । ଆଜି ତାହା ଉଦଘାଟିତ ହେଲା । ଏହା ପ୍ରଶାସନ ଓ ଜନସାଧାରଣଙ୍କ ମଧ୍ୟରେ ଖୁସୀର ଲହରୀ ଖେଳିଯାଇଛି । ଆଗାମୀ ଦିନରେ ମଧ୍ୟ ବହୁ ପ୍ରତୀକ୍ଷିତ ବହୁମୁଖୀ କୋଚିଳା ବ୍ୟାରେଜ ଖୁବ ଶୀଘ୍ର ପ୍ରତିଷ୍ଠା ହେବ ବୋଲି ମନାନୀୟ ସାଂସଦ ଓ ସର୍ବୋଚ୍ଚ ଯନ୍ତ୍ରୀ ପ୍ରକାଶ କରିଥିଲେ। ଏହି ବ୍ୟାରେଜ ପ୍ରତିଷ୍ଠା ଫଳରେ ଧାମନଗର ଓ ଭଦ୍ରକର ଅନେକ ଅଞ୍ଚଳରେ ଜଳସେଚିତ ହୋଇପାରିବ । ଏହି ଉତ୍ସବରେ ଅନ୍ୟମାନଙ୍କ ମଧ୍ୟରେ ଶ୍ରୀ ରଘୁନାଥ ଲେଙ୍କା, ପ୍ରଦୀପ ମଲ୍ଲିକ, ହରେକୃଷ୍ଣ ପାଢ଼ୀ, ସୁଶାନ୍ତ କୁମାର ନାୟକ, ସାଂସଦ ଙ୍କ ପ୍ରତିନିଧି ନାରାୟଣ ଚନ୍ଦ୍ର ସାହୁ,ଉମେଶ ମହାନ୍ତି, ସୁରଥୀ ନାୟକ, ଭାରତ ବିଜୟ ଦଳେଇ, ଅଶ୍ୱିନୀ ସାମଲ , ସୁଶାନ୍ତ ପଣ୍ଡା, ଭାନୁ ପ୍ରକାଶ ପଲାଇ, ଶରତ ମହାନ୍ତି, ବିଦ୍ୟାଧର ରାଉତ, କୃଷ୍ଣଚନ୍ଦ୍ର ଜେନା, ସୁଶାନ୍ତ ରାଉତ, କିଷାନ ରାଉତ, ପ୍ରଦୀପ ମହାପାତ୍ର, ରଘୁନାଥ ପଣ୍ଡା, ପ୍ରଦୀପ କୁମାର ପଣ୍ଡା, କନିଷ୍ଠ ଯନ୍ତ୍ରୀ କିଶୋର ଚନ୍ଦ୍ର ଦାସ ପ୍ରମୁଖ ଯୋଗ ଦେଇଥିଲେ।