ଭୁବନେଶ୍ୱର : ରାଜ୍ୟରେ ସମସ୍ତ ଜିଲାରେ ତାଲାବନ୍ଦ ଆଂଶିକ ଭାବେ ୧୪ ଦିନ ପାଇଁ ଘୋଷଣା କରାଯାଇଛି। ୧୭ ଜୁନ ସକାଳ ୫ଟାରୁ ଜୁଲାଇ ୧ ସକାଳ ୫ଟା ଯାଏଁ ଏହି ତାଲାବନ୍ଦ ଲାଗୁ ହେବ। ତାଲାବନ୍ଦ ସମ୍ପର୍କରେ ମୁଖ୍ୟ ଶାସନ ସଚିବ ସୁରେଶ ମହାପାତ୍ର ଆଜି ଘୋଷଣା କରିଛନ୍ତି।
ଦକ୍ଷିଣ ଓ ପଶ୍ଚିମ ଓଡିଶାରେ ସଂକ୍ରମଣ ୫% ତଳକୁ ରହିଛି। ଆସନ୍ତା କାଲି ସକାଳ ୫ଟା ପର ଠାରୁ ତାଲାବନ୍ଦ ଆଂଶିକ ଲାଗୁ ହେବ। ଜୁଲାଇ ୧ ତାରିଖ ସକାଳ ୫ଟା ଯାଏଁ ଆଂଶିକ ତାଲାବନ୍ଦ ଜାରି ରହିବ। ଓଡିଶାର ଜିଲାକୁ ରାଜ୍ୟ ସରକାର ୨ଟି ଭାଗରେ ବିଭକ୍ତ କରିଛନ୍ତି।
୫%ରୁ କମ ସଂକ୍ରମଣ ଥିବା ପଶ୍ଚିମ,ଦକ୍ଷିଣ, ଓଡିଶା ଜିଲା ବିଭାଗ ଏରେ ରହିବ। ଅବିଭକ୍ତ ସୁନ୍ଦରଗଡ,ସମ୍ବଲପୁର,କଳାହାଣ୍ଡି,ବଲାଙ୍ଗୀର ,କୋରାପୁଟ, ଗଞ୍ଜାମ,କନ୍ଧମାଳ, ବିଭାଗ ଏ। ଝାରସୁଗୁଡା,ବରଗଡ,ଦେବଗଡ,ନୂଆପଡା,ସୁବର୍ଣ୍ଣପୁର,ଗଜପତି,ବଉଦ,କୋରାପୁଟ,ନବରଙ୍ଗପୁର,ମାଲକାନଗିରି,ରାୟଗଡା ଏ ସମସ୍ତ ଜିଲାରେ ସକାଳ ୬ଟାରୁ ୫ଟା ଯାଏଁ ଦୋକାନ ଖୋଲା ରହିବ। ମାତ୍ର ମଲ୍, ଜିମ,ସେଲୁନ,ସ୍ପା ଆଦି ପୂର୍ବପରି ବନ୍ଦ ରହିବ। ଉଠା ଦୋକାନୀ ରାସ୍ତାକଡ଼ରେ ଖାଦ୍ୟ ଜିନିଷ ବିକ୍ରି କରିପାରିବେ।
ଅବିଭକ୍ତ କଟକ,ପୁରୀ, ବାଲେଶ୍ୱର ଆଦି ଜିଲା ବିଭାଗ ବିରେ ଅର୍ନ୍ତଭୁକ୍ତ, ଖୋର୍ଦ୍ଧା,ନୟାଗଡ,କେନ୍ଦ୍ରାପଡା,ଜଗତସିଂହପୁର,ଯାଜପୁର,ଅନୁଗୁଳ,ଢେଙ୍କାନାଳ,ଭଦ୍ରକ,ମୟୁରଭଞ୍ଜ, କେନ୍ଦୁଝର ଏ ସମସ୍ତ ଜିଲାରେ ସକାଳ ୬ ରୁ ଦିନ ୧ଟା ଯାଏଁ ଦୋକାନ ଖୋଲା ରହିବ। ଏହାସହ ଏଠାରେ କେବଳ ଅତ୍ୟାବଶ୍ୟକ ସାମଗ୍ରୀ ଦୋକାନ ଖୋଲିବ। ପୂର୍ବଭଳି ସପ୍ତାହନ୍ତ ସଟଡାଉନ ସମସ୍ତ ଜିଲାରେ ଜାରି ରହିବ। ଟୀକାକରଣ,ଟେଷ୍ଟିଂ ଏବଂ ସ୍ୱାସ୍ଥ୍ୟ ସେବା ଭଳି କୌଣସି କଟଣା ନାହିଁ। ଏନେଇ ନେଇ ମୁଖ୍ୟ ଶାସନ ସଚିବ ସୁରେଶ ମହାପାତ୍ର ସୂଚନା ଦେଇଛନ୍ତି।
ତେବେ ଏହାରି ମଧ୍ୟରେ କଣ ଖୋଲା ରହିବ ଆଉ କଣ ବନ୍ଦ ରହିବ ଆସନ୍ତୁ ଜାଣିବା ।
କଣ ବନ୍ଦ:
ଜୁଲାଇ ୧ ଯାଏ ଯାତ୍ରୀବାହୀ ବସ୍ ଚଳାଚଳ ବନ୍ଦ ରହିବ । ସମସ୍ତ ଶିକ୍ଷାନୁଷ୍ଠାନ, କୋଚିଂ ସେଣ୍ଟର ବନ୍ଦ ରହିବ । ସିନେମା ହଲ, ମଲ୍, ଜିମ୍, ସୁଇମିଂ ପୁଲ ବନ୍ଦ ରହିବ । ସ୍ପା, ସେଲୁନ୍, ବିୟୁଟି ପାର୍ଲର ବନ୍ଦ ରହିବ । ସେହିଭଳି ମନ୍ଦିର ଯାଇ ଠାକୁରଙ୍କ ଦର୍ଶନ ଉପରେ ମଧ୍ୟ କଟକଣା ଜାରି କରିଛନ୍ତି ରାଜ୍ୟ ସରକାର।
କଣ ଖୋଲା:
ହସ୍ପିଟାଲ, ନର୍ସିଂହୋମ୍, ଟେଲିମେଡିସିନ୍ ସେବା ଜାରି ରହିବ । ସମସ୍ତ ପ୍ରକାର ଔଷଧ ଦୋକାନ ଖୋଲା ରହିବ । ଗ୍ୟାରେଜ, ପେଟ୍ରୋଲ ପମ୍ପ, ରୋଷେଇ ଗ୍ୟାସ୍, ମିସ୍ତ୍ରୀ କାମ ଜାରିରହିବ । ବ୍ୟାଙ୍କ୍ , ଏଟିଏମ ସେବା ଜାରି ରହିବ । ୫୦% କର୍ମଚାରୀରେ ସରକାରୀ ଏବଂ ଘରୋଇ ଅଫିସ କାର୍ଯ ଜାରି ରହିବ ।