ଦେବଗଡ଼(କୋଶଲ ନ୍ୟୁଜ୍):- ଆଜି ଅପରାହ୍ନରେ ଦେବଗଡ଼ ଜିଲ୍ଲାର ବିଭିନ୍ନ ସ୍ଥାନରେ କାଳବୈଶାଖୀର ପ୍ରଭାବ ରେ ପ୍ରବଳ କୁଆପଥର ବର୍ଷା ଓ ଝଡ଼ତୋଫାନ ଯୋଗୁଁ ବ୍ୟାପକ କ୍ଷୟକ୍ଷତି ହୋଇଥିବା ଦେଖିବାକୁ ମିଳିଛି । ରିଆମାଳ ବ୍ଲକର ଉଟୁଣିଆଁ ପଞ୍ଚାୟତ ଅନ୍ତର୍ଗତ ବାବାଜୀମଠ ଗ୍ରାମର ପ୍ରମିଳା ନାୟକ ସ୍ବାମୀ ଗୋକୁଳ ନାୟକଙ୍କ ଘରର ଆଜବେଷ୍ଟ ଛାତ ଭାଙ୍ଗି ଯାଇଥିବାରୁ ବର୍ତ୍ତମାନ ପରିବାର ବାସହରା ହୋଇ ଯାଇଛନ୍ତି।
ଅନ୍ୟାନ୍ୟ ଖବର ପଢନ୍ତୁ
ବର୍ଷା ପାଣି ଘରେ ପଶି ଆସବାସ ପତ୍ର ଓ ଧାନ ଚାଉଳ ନଷ୍ଟ ହୋଇଥିବା ମଧ୍ୟ ଦେଖିବାକୁ ମିଳିଛି । ଘଟଣାସ୍ଥଳରେ ସ୍ଥାନୀୟ କରଲଗା ରାଜସ୍ବ ନିରିକ୍ଷକ ପହଞ୍ଚି ଏକ ଜଲିପାଲ ଯୋଗାଇ ଦେବା ସହିତ କ୍ଷତିଗ୍ରସ୍ତ ପ୍ରମିଳା ନାୟକଙ୍କ ପରିବାର ସହିତ ଆଲୋଚନା କରି ଆବଶ୍ୟକ ସହାୟତା ଯୋଗାଇ ଦିଆଯିବ ବୋଲି କହିଛନ୍ତି । ସେହିଭଳି ଉଟୁଣିଆଁ ପଞ୍ଚାୟତ ହାଡ଼ଶଙ୍ଖା ଗ୍ରାମର ପ୍ରଭାକର ନାଏକଙ୍କ ମଧ୍ୟ ଘରର ଆଜବେଷ୍ଟସ ଭାଙ୍ଗି ଯାଇଥିବା ସୂଚନା ମିଳିଛି।