ତୁମୁଡି଼ବନ୍ଧ(କୋଶଲ ନ୍ୟୁଜ) ବ୍ରହ୍ମପୁର ବନ ମଣ୍ଡଳ ଅଧିନସ୍ଥ ବାଲିଗୁଡ଼ା ବନଖଣ୍ଡ ଅନ୍ତର୍ଗତ ତୁମୁଡି଼ବନ୍ଧ ଏବଂ ବେଲଘର ବନାଞ୍ଚଳ କର୍ମଚାରୀ ମାନଙ୍କ ପାଇଁ ମୂଲ୍ୟବାନ ଜଙ୍ଗଲ କୁ ନିଆଁ ଦାଉରୁ ରକ୍ଷା କରିବା ନିମନ୍ତେ ଉନ୍ନତ କୌଶଳ ଓ ପ୍ରଣାଳୀ ପ୍ରୟୋଗ ଜନିତ ଏକ ପ୍ରଶିକ୍ଷଣ ଶିବିର ରବିବାର ଦିନ ଅନୁଷ୍ଠିତ ହୋଇଯାଇଛି l ସ୍ଥାନୀୟ ଅଗ୍ନିଶମ ବିଭାଗ କର୍ମଚାରୀ ଉଭୟ ବନାଞ୍ଚଳର କର୍ମଚାରୀଙ୍କୁ ଜଙ୍ଗଲରେ ଲାଗିଥିବା ନିଆଁକୁ କିଭଳି ସହଜରେ ଲିଭା ଯାଇପାରିବ ଏବଂ ଅନ୍ୟତ୍ର ବ୍ୟାପିବା କୁ ନିୟନ୍ତ୍ରଣ କରାଯାଇପାରିବ ସେହି ସଂକ୍ରାନ୍ତରେ ଉତ୍କୃଷ୍ଟ କୌଶଳ ଓ ପ୍ରଣାଳୀ ପ୍ରଶିକ୍ଷଣ ଦେଇଥିଲେ l ଏହି ପ୍ରଶିକ୍ଷଣ ଶିବିରରେ ତୁମୁଡି଼ବନ୍ଧ ବନାଞ୍ଚଳ ଅଧିକାରୀ କାଳିଚରଣ ବେହେରା, ବେଲଘର ବନାଞ୍ଚଳ ଅଧିକାରୀ ସୁବାଷ ଦିଗାଳ, ଉଭୟ ବନାଞ୍ଚଳର ସମସ୍ତ ବନପାଳ, ବନରକ୍ଷୀ, ୱାଚର, ୨୫ ଟି ବନ ସୁରକ୍ଷା ସମିତି ର ସଭାପତି, ସମ୍ପାଦକ ଓ ଅନ୍ୟ କର୍ମକର୍ତ୍ତା ଉପସ୍ଥିତ ଥିଲେ l ଆଗାମୀ ବର୍ଷରେ ସ୍ଥାନୀୟ ଜଙ୍ଗଲରେ ନିଆଁ ନ ଲଗାଇବାକୁ ଜନସାଧାରଣଙ୍କୁ ସଚେତନ କରିବା ପୂର୍ବକ ନିଆଁ ଦାଉରୁ ମୂଲ୍ୟବାନ ଜଙ୍ଗଲକୁ ରକ୍ଷା କରିବା ପାଇଁ ଏହି ଶିବିରରେ ସମସ୍ତେ ସଂକଳ୍ପ ନେଇଥିଲେ l
ରିପୋର୍ଟ – ପବିତ୍ର ଦିଗାଳ