କୋଶଲ ନ୍ୟୁଜ୍ ବ୍ୟୁରୋ : ନବରଙ୍ଗପୁର: ନବରଂଗପୁର ଜିଲ୍ଲା ଝରିଗାଁ-ଚନ୍ଦାହାଣ୍ଡି ଚଚରାଘାଟି ପାଖରେ ଦୁଇ ମୋଟର ସାଇକେଲ ମୁହାଁମୁହି ଧକ୍କା ହେବାରୁ ଘଟଣାସ୍ଥଳରେ ଜଣକ ମୃତ୍ୟୁ ହୋଇଥିବା ବେଳେ ଦୁଇ ଜଣ ଗୁରୁତର ଆହତ ହୋଇ ଥିବାସୂଚନା ମିଳିଛି । ସୂଚନାରୁ ପ୍ରକାଶ ଆଜି ସନ୍ଧ୍ୟାରେ ଝରିଗା ଥାନା ଅଧିନସ୍ଥ କାଣ୍ଡସର ଗ୍ରାମର ସାଧୁରାମ ଗୌଡ ଓ ସୋମବାରୁ ଗୌଡ ନିଜ ବାଇକ ଯୋଗେ ଭଉଣୀର ବିବାହ କାର୍ଡ ଛତିଶଗଡ କଛାରପରାରୁ ନିଜ ଗ୍ରାମ କାଣ୍ଡସରକୁ ଫେରୁଥିବା ବେଳେ ବୋକଡାମୁଣ୍ଡି ଗ୍ରାମର ଦୁର ଭାଇ ରମେଶ ଗୌଡ ଓ କ୍ଷେମା ଗୌଡ ଘର ସଉଦା ପାଇଁ ଦେଓବନ୍ଧ ଆସୁଥିବା ବେଳେ ଚଚରାଘାଟି ନିକଟରେ ଦୁଇ ବାଇକ ମୁହାମୁହି ଧକ୍କା ହୋଇ ଯାଇଥିଲା।
ଅନ୍ୟାନ୍ୟ ଖବର ପଢନ୍ତୁ
ଘଟଣା ସ୍ଥଳରେ ବାଇକ ଚାଳକ କ୍ଷେମା ଗୌଡଙ୍କ ମୃତ୍ୟୁ ହୋଇ ଯାଇଥିବା ବେଳେ ଅନ୍ୟ ଦୁଇ ଜଣ ରମେଶ ଓ ସାଧୁରାମ ଗୁରୁତର ଆହତ ହୋଇ ଛନ୍ତି । ଉଭୟଙ୍କ ଅବସ୍ଥା ଗମ୍ଭୀର ଥିବା ବେଳେ ଚନ୍ଦାହାଣ୍ଡି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ତାଙ୍କର ଚିକିତ୍ସା ଜାରି ରହିଛି ।ରିପୋଟ ମିହିର ଶଙ୍କର ପାତ୍ର, ନବରଙ୍ଗପୁର